प्रेम कुंभाराचा घडा ...
आधी भट्टीत भाजते, मग पिचुन सजते
प्रेम गुलाबाचे झाड ...
काटे तळाला बोचती, फुले शेंडयाला सजती
`
प्रेम चुल्यावरी तवा ...
आधी सोसावे चटके, मग मारावे मिटके
आधी सोसावे चटके, मग मारावे मिटके
``
प्रेम मृगाच्या सरीपरी ...
सोसाटयाने गर्जत येते, कधी वादळ बनवून जाते
'
प्रेम खळखळणारी नदी ...
खळखळत सागरास मिळते, अनं त्यातच विलीन होते
'प्रेम बदलत्या ऋतूवाणी ...
कधी ऊन कधी पाणी, कधी बोचर्या थंडीवाणी
'प्रेम तळहाताच्या फोडापरी ...
जपा त्यासी जिवापाड, नका करू नजरेआड
'
प्रेम अळूपर्णातील थेंब ...
सावरावा सदा तोल, प्रेम असे बहुमोल
सावरावा सदा तोल, प्रेम असे बहुमोल
'सुरेश >>>
7 June, 2008
